ဟိုတစ်နေ့က ကျွန်တော့် Facebook Status မှာရေးထားတဲ့ လူတစ်ယောက် ဓားနဲ့ အထိုးခံရလို့ သေသွားတဲ့ ကိစ္စရဲ့ အဆက်ဆိုပါတော့။
အဲဒီလူ ဓားနဲ့ အထိုးခံရ၊ တုတ်နဲ့ အရိုက်ခံရပြီး လဲနေတဲ့ အချိန် ကျွန်တော် သွားကြည့်သေးတယ်။ သွေးအလိမ်းလိမ်းနဲ့ ဖြစ်နေတော့ ဘယ်သူမှန်း ကျွန်တော်လည်း မမှတ်မိဘူး။ နောက်ဆုံးမှ အဲဒီလူက ကိုယ့် အသိဖြစ်နေတယ်။ နေတိုင်း ကွန်ပျူတာ လာလာသုံးနေတဲ့သူ။ Chess ကစားတာ အင်မတန်တော်တဲ့သူ ဖြစ်နေမှန်း သိရတယ်။ အဲဒီလူမှန်းလည်း သိရော တော်တော်လေးကို စိတ်မကောင်းဖြစ်ရပါတယ်။ အသောက်အစားလည်း ကင်းသလို အိမ်ထောင်ကျတာလည်း တစ်နှစ်လောက်ပဲ ရှိသေးတယ်။ ပြီးတော့ လူချစ်လူခင်လည်း အင်မတန်များတယ်။ ပြီးတော့ သူ့မိန်းမမှာလည်း ကိုယ်ဝန်က (၆)လပဲ ရှိသေးတယ်။ အသက်ကလည်း ၂၆ နှစ်ဆိုတော့ အညွှန့်တလူလူတက်တုန်း အရွယ်ပဲ ရှိသေးတယ်။ စိတ်မကောင်းလိုက်တာဗျာ။
ဇာတ်လမ်း အစအဆုံး ဇာတ်ရည်လည်တော့ သံဝေဂရစရာလေးတွေ အများကြီးတွေ့တာကြောင့် ဒီပို့စ်ကို ရေးဖြစ်သွားတာပါ။ စိတ်မကောင်းလည်း ဖြစ်ရသလို၊ နှုတ်ထွက် စကားတစ်ခွန်းကြောင့် ပြောရရင် လူမိုက်ဆိုရင် ရှောင်ရမယ်ဆိုတဲ့ စကားကို မလိုက်နာတာလေး တစ်ခုကြောင့် အသက်ပါ ပါသွားပြီး သူကို မှီခိုနေသူတွေပါ အကုန် ဒုက္ခ ရောက်ရမယ့် အဖြစ်ကို ရောက်သွားရတယ်။ ဓားနဲ့ ထိုးတဲ့ ကောင်လေးကလည်း ခုမှ ၁၈ နှစ်ကျော်ကျော် ပဲ ရှိသေးတယ်။ ပိန်ပိန်သေးသေးရယ် …
ကဲ ဇာတ်လမ်း အစက ဒီလိုဗျ …
အဲဒီလူ ဓားနဲ့ မထိုးခံရခင် နေ့က ည ၈း၄၅ လောက်အထိ ကွန်ပျူတာ သုံးသေးတယ်။ ပြီးတော့ လက်ဖက်ရည်ဆိုင် ထိုင်မယ်ဆိုပြီး ထွက်သွားတယ်။ ခဏနေလောက် ကြာတော့ လူတစ်ယောက် လမ်းမကြီးအတိုင်း ပြေးလာတာ တွေ့ရတယ်။ အဲဒီ ပြေးနေတဲ့လူကို ကျွန်တော်က သူခိုးလို့ပဲ ထင်တာပေါ့။ အဲဒီလို ပြေးနေတဲ့ နောက်ကို ဆိုက်ကယ် တစ်စီးက မီးထိုးပြီး ကပ်လိုက်လာတယ်။ လူခုနှစ်ယောက်လောက်က နောက်ကနေ ပြေးလိုက်လာတယ်။ “ဟေ့ကောင် မပြေးနဲ့၊ လိုက်၊ လိုက်” ဆိုပြီး ညာသံပေးပြီး လိုက်လာကြတယ်။ နောက်ဆုံးတော့ မိသွားတယ်။ အားလုံးက တုတ်တွေနဲ့ ဝိုင်းရိုက်ကြတယ်။ နောက်ဆုံး အဲဒီလူလဲကျသွားတော့ အားလုံး ထွက်ပြေးသွားကြတယ်။ အဲဒီလို ထွက်ပြေးသွားတဲ့ သူတွေထဲက နောက်ဆုံးမှာ ကျန်နေတဲ့ သူတစ်ယောက်ရဲ့ လက်ထဲမှာ ဓားလိုဟာ တစ်ခု တွေ့လိုက်တယ်။ အဲဒီလူက ရပ်ကြည့်နေတဲ့ သူတွေကိုတောင် ရန်ရှာသွားသေးတယ်။ အဖြစ်အပျက်က မြန်လွန်းတော့ လူတွေလည်း ဒီအတိုင်း ကြည့်နေကြရတယ်။ ဝင်ကူဖို့ ဆိုပြန်တော့ သူတို့က လူအများကြီးပဲ။ ပြီးတော့ တုတ်တွေနဲ့။
နောက်ဆုံး လူတစ်ယောက် ကားလမ်းပေါ်လဲပြီး ကျန်ခဲ့တော့မှပဲ သွားထူကြရတော့တယ်။ အဲဒီလူရဲ့ နောက်ကျောမှာ သွေးတွေ အရမ်းထွက်နေတယ်။ စကားလည်း ဗလုံးဗထွေးနဲ့။ နောက်တော့ သွေးအထွက်လွန်ပြီး သတိလစ်သွားတယ်။ သူ့ ဒါဏ်ရာတွေကို စစ်ကြည့်နေတဲ့ အချိန်မှာပဲ နှလုံးက မခုန်တော့ဘူး။ အသက်ထွက် သွားတယ်။ ဆေးရုံကိုရောက်တော့ အသက်မရှိတော့ဘူး။
ညပိုင်းရောက်တော့ ရဲက ဘယ်သူ့ကို ဖမ်းသွားပြီ။ ဘယ်ကောင်ကိုတော့ ဆွဲသွားပြီ ဆိုပြီး သတင်းတွေကြား နေရတယ်။ အဲဒီလို ဆွဲသွားတဲ့ အထဲမှာ ကိုယ်သိနေတဲ့ ကောင်လေးတွေလည်း ပါနေတော့ နားစွင့်နေမိတယ်။ အဲဒီလို ဖြစ်ပြီဆိုရင် လူမိုက်အုပ်စုက တစ်ခုတည်းဆိုတာ လူတိုင်းသိနေတော့ ဘယ်သူတွေ ပါမယ်ဆိုတာပါ သိနေကြတယ်။ အားလုံးအထင်မှာတော့ ရပ်ကွပ်အော့ကျောလန် လူမိုက်ခေါင်းတွေပဲလို့ တွက်လိုက်ကြတယ်။
မနက်လည်းရောက်ရော၊ ညက သေသွားတဲ့လူက ကျွန်တော် အသိဆိုတာ သိရတယ်။ ပြီးတော့ ရဲကင်းမှာ တရားခံတွေကို စစ်တယ်တဲ့။ တရားခံတွေ ပြောပြချက်အရ ဒီလူက သူတို့နဲ့ တစ်ဝိုင်းကျော်မှာ ထိုင်တယ်တဲ့။ ပြီးတော့ စကားပြောနေကြတယ်တဲ့။ လူမိုက်ကလေးတွေ ဖြစ်တော့ စကားပြောတာက ထောင့်မကျိုးဘူးပေါ့။ ပြီးတော့ တစ်လောကလုံးကို ဘယ်နေရာမှာ ရန်ဖြစ်ရင် ကောင်းမလဲဆိုပြီး ရှာနေတဲ့ ကောင်တွေလေ။ အဲဒီမှာ သူတို့ စကားဝိုင်းထဲကို ဝင်လာပြီး သူတို့စကားပြောတာတွေ မဟုတ်တဲ့ အကြောင်း ကျွန်တော့် အသိက ဝင်ပြောတယ်တဲ့။ အဲဒီမှာ ကောင်လေးတွေက ဆဲ။ စကားကို မိုက်မိုက်ရိုင်းရိုင်းပြော
နေ့လည်ပိုင်းလောက်ကျတော့ သရုပ်ပြဆိုပြီး တရားခံတွေကို အခင်းဖြစ်တဲ့ နေရာခေါ်လာတယ်။ အဲဒါနဲ့ သူတို့တွေ ဘယ်လိုတွေ ဖြစ်ပျက်ခဲ့ကြတယ်ဆိုတဲ့ ပုံစံတွေကို ပြန်သရုပ်ဆောင် ပြကြတယ်။ အဲဒီမှာ ကျွန်တော်လည်း ဘယ်ကောင်တွေပါလဲ ဆိုပြီး သွားကြည့်တော့။ အားပါး မနှစ်ကမှ ဆယ်တန်းကျထားတဲ့ ကောင်လေးတွေ ဖြစ်နေတယ်။ လူမိုက်အရင့်အမာကြီး သုံးယောက်တော့ ပါတာပေါ့။ ဒါပေမယ့် တကယ် ဓားနဲ့ ထိုးသွားတဲ့ ကောင်လေးက ခုမှ လူမိုက်ပေါက်စ၊ မျက်နှာငယ်လေးနဲ့ လက်ထိပ်နဲ့။ အဲဒီကောင်လေးကိုလည်း ကျွန်တော်သိတယ်လေ။ အရင်က အဲဒီလို ပုံစံလုံးဝမဟုတ်။ ခပ်အေးအေးရယ်။
အဲဒီကောင်လေးက သူ့အဖေနဲ့ အမေကွဲနေတယ်။ အဲဒီလို မိဘတွေ ပြဿနာက သူ့ကို လမ်းဘေးရောက်အောင် အပေါင်းအသင်းမှားအောင် ပို့လိုက်တာပါပဲ။ စာမေးပွဲကလည်းကျ၊ အပေါင်းအသင်းကလည်းမှား ဆိုတော့ ပျက်စီးခြင်း ငါးပါးဆိုက်သွားတာ မဆန်းပါဘူး။ ဒါပေမယ့် အဲဒီနေရာမှာလည်း မိဘတွေရဲ့ ပြဿနာဟာ သားသမီးတွေအပေါ် ဘယ်လောက်အထိ သက်ရောက်သွားစေတယ်ဆိုတာ သံဝေဂရစရာပါပဲ။
ဇာတ်လမ်းဆုံးတော့ ကျွန်တော်အသိလည်း သေ၊ ဟိုကောင်လေးတွေလည်း အဖမ်းခံရ၊ အားလုံးမကောင်းကြတော့ ဘူးပေါ့။ ကျွန်တော် စဉ်းစားမိတာလေးတွေက ….
ကျွန်တော့် အသိသာ၊ သူနဲ့ ဘာမှမဆိုင်တဲ့ စကားဝိုင်းကို ဝင်မပြောခဲ့ရင် ….
ဟိုလူမိုက်လေးမှာ မိသားစု ပြဿနာ မရှိခဲ့ရင် ….
ထန်းသီးကြွေခိုက်၊ ကျီးနင်းခိုက် ဆိုပေမယ့် အသက်ကို ဥာဏ်စောင့်ဆိုသလို သတိမလွတ်ခဲ့ရင် …
အဲဒီလို လူမိုက်အုပ်စုတွေ မဖြစ်လာအောင် ထိန်းသိမ်းနိုင်ခဲ့ရင် ….
စတဲ့စတဲ့ အတွေးလေးတွေ ကျန်ခဲ့တယ်ပေါ့ဗျာ၊ စိတ်ထဲမှာတော့ သူ့မိန်းမနဲ့ သူ့ကလေးအတွက် စိတ်မကောင်းခြင်း ကြီးစွာ ဖြစ်ရပါတယ်ဗျာ ….
တရားရစရာပါဗျာ။
အဖြစ်အပျက်လေးက မှတ်သားစရာပါပဲ အစ်ကို… လူဆိုတာမှန်တယ်ဆိုပြီးနေရာတကာဝင်ပါလို့မရဘူးဆိုတာလေးလဲ အတွေးရစေတာပေါ့။
လူတွေဟာဘာလို့သည်းခံစိတ်မမွေးနိုင်ကြတာလည်းဟင် …
စေတနာက ဝေဒနာ ဖြစ်သွားတာများလား