ကျွန်တော်တို့အိမ်နားမှာ အသုဘရှိတယ်။ ဒီတော့ အသုဘနဲ့အတူဘယ်ကတည်းက တွဲနေတဲ့ ဓလေ့လည်း မသိပါဘူး။ ဖဲဝိုင်းလည်း ရှိတယ်ပေါ့ဗျာ။ ညတစ်ညလုံး ဖဲဝိုင်းနှစ်ဝိုင်းနှစ်ဝိုင်းက အသံတွေနဲ့ ကောင်းကောင်းကို မအိပ်ရဘူးပေါ့။ အရက်ကလည်း သောက်ထားကြတော့ ပိုဆိုးတာပေါ့ဗျာ။ ကျွန်တော်အပါအ၀င် ပတ်ဝန်းကျင်က လူတွေကလည်း အလွန်ဆုံးဆူလှ (၇)ရက်ဆိုတော့ ဘာမှပြောမနေကြတော့ဘူး။ မသိချင်ယောင်ဆောင်ပြီး သီးခံနေလိုက်ကြတယ် ဆိုပါတော့။ စကားမစပ် ပြောရဦးမယ်ဗျ။ သေသွားတဲ့သူက အရက်သမား၊ တော်တော်လေးကို အသဲကျွမ်းနေပြီ။ ဘယ်တော့သေမလဲ စောင့်နေလိုက်တာ နှစ်နှစ်လောက်ကြာနေပြီ ဆိုပါတော့။ “မိန်းမ မင်းဝဋ်ကျွတ်တော့မှာပါ” လို့ ပြောပြီး နာရီပိုင်းပဲရှိသေးတယ်။ သေတာပဲ။ သူ့မိန်းမလည်း ငိုလိုက်တာ မျက်ရည်ပေါက်ကြီးငယ် (၄)စက်လောက်ကျပြီးတော့ မငိုတော့ဘူး။ ဘယ်သူမှလည်း ငိုတဲ့သူ မရှိပါဘူးဗျာ။ သေတာတောင် နောက်ကျသေးတယ် ထင်နေကြတာ။ အကြံသမား ကိုယ်ရွှေဖဲသမားတွေ ကတော့ ဖဲထုတ်တောင် ၀ယ်ပြီးသွားလောက်ပြီပေါ့။

ဒီတော့ ထုံးစံအတိုင်း အသုဘဘေးနားမှာ ဖဲဝိုင်းထောင်ကြတယ် ဆိုပါတော့။ ဖဲဝိုင်းကနှစ်ဝိုင်းဗျ။ ကျွန်တော်လည်း စပ်စပ်စုစု သွားကြည့်တာ သူ့အမျိုးတွေထဲကဆိုလို့ အလွန်ဆုံးနှစ်ယောက်ပေါ့။ ကျန်တာတွေက မျက်နှာစိမ်းတွေဗျ။ သူတို့ကိုသိတဲ့ လူတစ်ယောက် ပြောတာကတော့ ဖဲလည်ရိုက် နေကြတာတဲ့ဗျာ။ ဘာအလုပ်မှ မလုပ်ကြဘူးလားလို့ မေးတော့ သူတို့မိန်းမတွေက အလုပ်လုပ်တယ်တဲ့။ သူတို့ကတော့ ဒီလိုပဲ ဘယ်မှာ မသာရှိလဲ ရှာနေကြတာတဲ့ဗျာ။ ချိန်းဝိုင်းတို့ ကြိတ်ဝိုင်းတို့ဆိုလည်း သူတို့ပါတာပဲ။ အသုဘက ပေါ်တင်ဝိုင်းဆိုလည်း သူတို့ရှိတာပဲ။

ဖဲဝိုင်းကဆူညံသံတွေနဲ့ ညစဉ်ညတိုင်းနှိပ်စက်တာကို သီးခံပြီး အိပ်မရတာနဲ့ စာဖတ်နေတယ် ဆိုပါတော့ဗျာ။ အဲဒီမှာ ပြဿနာ စတာပဲဗျ။ မိန်းမတစ်ယောက် ထမီ စွန်တောင်ဆဲပြီး အော်ဟစ်ဆဲဆို နေပါရောလားဗျာ။ ကျွန်တော်လည်း စိတ်ဝင်စားတာနဲ့ အပြင်ထွက်ကြည့်တယ်။ မိန်းမကိုတော့ မှောင်နေတော့ သိပ်မမြင်ရဘူးဗျ။ အသံကတော့ အတိုင်းသားကြားနေရတာပေါ့ဗျာ။ ဆဲလိုက်တာလည်း မိုးမွန်နေတာပဲ။ ကျွန်တော် ကြားသလောက် ဖောက်သည်ချရရင်တော့ဗျာ၊ သူ တစ်နေကုန် ကုန်စိမ်းရောင်းတာ ဒီနေ့ ၁၆၀၀ ပဲမြတ်တယ် ဆိုတဲ့အကြောင်း၊ ဒါကို သူ့ယောင်္ကျားက ယူပြီးဖဲရိုက်ပစ်တယ် ဆိုတဲ့အကြောင်း၊ သူကို သတ်နေပါတယ်ဆိုတဲ့ အကြောင်းပေါ့ဗျာ။ ဒါနဲ့ ဖဲဝိုင်းထဲကလူတွေက သူ့ယောင်္ကျားကို ဖဲဝိုင်းကနေ ထွက်ခိုင်းလိုက်တယ်ဆိုပါတော့။ မထွက်ခိုင်းလို့လည်း မရဘူးလေ။ မိန်းမက ခဲနဲ့ထုမယ် တကဲကဲလုပ်နေတာကိုး။ ဒီတော့ ကိုရွှေဖဲသမားတွေက ဖဲဝိုင်းတော့ အပျက်မခံနိုင်ဘူး ဆိုပြီး ၀ိုင်းကနေထုတ်လိုက်ကြတယ်ဗျ။ သူယောင်္ကျားလို့ထင်ရတဲ့ သူတစ်ယောက်ရယ် နောက် သူ့သူငယ်ချင်းရယ် ဖဲဝိုင်းကနေ ထွက်သွားကြတယ်ဗျ။ အင်း ပွဲကြီးပွဲကောင်းတော့ တွေ့ပြီဆိုပြီး အားလုံးထွက်ကြည့်ကြတယ်။ မိန်းမက သူ့တစ်နေကုန်ဈေးရောင်းတာ ၁၆၀၀ ပဲမြတ်တယ်။ ဒါကို ဒီသေချင်းဆိုးက ခိုးပြီးဖဲရိုက်ပစ်တယ်ဆိုတဲ အကြောင်း၊ သူ့ကိုသေအောင်သတ်နေပါတယ် ဆိပြီး ငိုလိုက် သူ့ယောင်္ကျားကို ရိုက်လိုက်နဲ့ဗျာ။ ကမ္ဘာပျက်သလား အောက်မေ့ရတယ်ဗျာ။ သူ့ယောက်င်္ကျားကို ရိုက်တာက နည်းနည်း သူ့ယောင်္ကျားအရိုက်ခံရတာ ပိုများမယ်လို့ ကျွန်တော်ထင်တယ်။ ခြေထောက်နဲ့ ကန်လိုကန်၊ လက်သီးနဲ့ ထိုးလိုထိုး၊ စိတ်ကြိုက်ကို ကစ်နေတော့တာပဲဗျာ။ နောက်တော့ ဘာမပြော ညာမပြော နဲ့ သူ့မိန်းမက ကားလမ်းဖက် ပြေးထွက်သွားတယ်ဗျ။ ကျွန်တော်လည်း ဘာလုပ်တာလဲပေါ့။ ရူးများသွားပြီလားပေါ့။ ဘယ်ဟုတ် မလဲ။ ကားလမ်းပေါ်မှာ ကန့်လန့်ကြီးအိပ်လိုက်တာဗျို့။ ကားအကြိတ်ခံတာဗျို့။ အောင်မလေး ကားတွေ ဘရိတ်အုပ်ပြီး ရပ်လိုက်ကြတာ တစ်စီးနဲ့တစ်စီး တိုက်ကုန်ပြီးလားတောင် ထင်ရတယ်ဗျာ။ ကျွန်တော်လည်း ဒီမိန်းမတော့ သေပြီလို့ထင်လိုက်တာ၊ ကားဆရာက ဘရိတ်အအုပ်မြန်လို့ဗျို့။ မတော်လို့ကားဆရာသာ ဘရိတ်မမိခဲ့ရင်၊ ကားဆရာသာ မူးနေခဲ့ရင် အဲဒီမိန်းမ အသေပဲဗျာ။ ဘယ်နှယ် ကုန်ကားကြီးဗျ။ အဲဒါနဲ့ သူ့ယောင်္ကျားရယ် သူ့ယောင်္ကျားသူငယ်ချင်းရယ် လက်ကနေတစ်ဖက်၊ ခြေထောက်ကနေ တစ်ဖက် မပြီး မိန်းမကို ခေါ်သွားကြတယ်ဗျ။

အင်း တော်တော်တရားကျ ဖို့ကောင်းတယ်ဗျာ။ ယောင်္ကျားဖြစ်ပြီး မိန်းမလုပ်စာ ထိုင်စား၊ ပြီးတော့ ကောင်းကောင်းမစားဘူး။ ဖဲလေးက ရိုက်ချင်သေးတယ်။ မိန်းမကတော့ ဒီလိုရှားပါးနေတဲ့ ခေတ်ကြီးမှာ ၁၆၀၀ လောက်ရအောင် တစ်နေကုန်ရှာရတာတယ်။ ဒါကို လွယ်လွယ်နဲ့ ဖြုန်းရက်တဲ့ ဒီယောင်္ကျားရဲ့ စိတ်ဓာတ်ကို စဉ်းစားကြည့်မိတယ်။ ကျွန်တော်စဉ်းစားလို့ကိုမရဘူးဗျာ။ အော် ပြောင်းပြန် ဆွဲနေရတဲ့ လှည်းတွေပါလားဗျာ …