ကျွန်တော်အနေနဲ့ နိုင်ငံရေးနဲ့ ကင်းကင်းနေလိုပါတယ်။ နိုင်ငံရေးကို “လုံးဝ” စိတ်မ၀င်စားပေမယ့် စီမံခန့်ခွဲရေး အပိုင်းကို အရမ်း စိတ်ဝင်စားပါတယ်။ စီမံခန့်ခွဲရေး မှန်ကန်မှသာ၊ ကောင်းမွန်မှသာ နိုင်ငံအနေနဲ့ တိုးတက်နိုင်တယ်လို့ ကျွန်တော် ယူဆပါတယ်။ ဘယ် “မင်း” တက်တက် အရေးမကြီးပါဘူး။ စီမံခန့်ခွဲရေး ကောင်းဖို့သာ အဓိကဖြစ်ပါတယ်။ စီမံခန့်ခွဲရေး ပိုင်းမှာ အုပ်ချုပ်ရေးကဏ္ဍ၊ တရားစီရင်ရေးကဏ္ဍ၊ ပညာရေးကဏ္ဍ၊ စီးပွားရေးကဏ္ဍ၊ နေရာတိုင်းမှာ စီမံခန့်ခွဲရေးဟာ အရေးအကြီးဆုံး ဖြစ်တယ်လို့ ကျွန်တော် ယူဆပါတယ်။ ဒီလိုစီမံခန့်ခွဲရေးကို လေ့လာမယ်ဆိုရင် ခေါင်းဆောင်များရဲ့ အခန်းကဏ္ဍဟာ အများကြီး အရေးပါလာပါတယ်။ ဘာကြောင့်လဲဆိုတော့ ခေါင်းဆောင်များက စီမံခန့်ခွဲရေးတာဝန်ကို ယူရလို့ဖြစ်ပါတယ်။
ခေါင်းဆောင်များ အခန်းကဏ္ဍ
ဒီတော့ ပထမဦးဆုံး ခေါင်းဆောင်များ ရွေးချယ်ခန့်ထားရေးက စပြီး ပြောချင်ပါတယ်။ ဒီနေရာမှာ အပြစ် ပြောတာထက်စာရင် လုပ်သင့်တာကို ကျွန်တော့်အမြင်အနေနဲ့ ပွင့်ပွင့်လင်းလင်း တင်ပြချင်ပါတယ်။ ထက်အောက် ဖွဲ့စည်းပုံနဲ့ ရွေးချယ်တာပဲဖြစ်ဖြစ်၊ အောက်ကနေ ရွေးချယ်တာ ဖြစ်ဖြစ် မှားနိုင်တာကတော့ အတူတူပါပဲ။ အထက်ကရွေးချယ်ပေးတဲ့ ခေါင်းဆောင်တစ်ယောက်မှာ ကိုယ့်လူကိုယ့်ဖက်သားကို ခန့်ထားမှု အမှားဖြစ်နိုင်သလို၊ အောက်က ရွေးချယ်ခန့်ထားတဲ့ နေရာမှာလည်း ပေါ်ပြူလာဖြစ်မှုကို ကြည့်ပြီး မဲပေးမိတာလည်း ဖြစ်နိုင်ပါတယ်။ ဘယ်လိုပဲ ခန့်ထားခန့်ထား အဓိကထားရမယ့် စံနှုန်းတွေအပေါ်မှာ တင်ပြီး ရွေးချယ်တာ အကောင်းဆုံးလို့ ကျွန်တော်မြင်ပါတယ်။
ဥပမာ – နည်းပညာနဲ့ ပတ်သက်တဲ့ ခေါင်းဆောင်တစ်ယောက်ကို ရွေးချယ်မယ်ဆိုရင် နည်းပညာဆိုင်ရာ အတွေ့အကြုံ အပြည့်အ၀ ရှိဖို့လိုပါမယ်။ နိုင်ငံတကာမှာ ဖြစ်ပေါ်ပြောင်းလဲနေတဲ့ နည်းပညာတွေကို လက်တွေ့ကျကျ နားလည်နိုင်၊ ခံယူနိုင်စွမ်းရှိသူ ဖြစ်ဖို့လိုပါမယ်။ နည်းပညာကို ကိုယ့်လက်အောက် ငယ်သားတွေ၊ ကိုယ်စီမံခန့်ခွဲရတဲ့ အပိုင်းမှာ ဘယ်လို ဖြန့်ဝေမလဲဆိုတာကို သိနိုင်တဲ့သူဖြစ်ပါတယ်။ နိုင်ငံတကာမှာ ဖြစ်ပေါ်လာတဲ့ ပြောင်းလဲမှုကို အလိုက်သင့် လိုက်ပါပြောင်းလဲ နိုင်အောင် စီမံဆောင်ရွက်တတ်သူ ဖြစ်ဖို့ လိုပါမယ်။ စံနှုန်းတွေ အများကြီး ရှိနိုင်ပါသေးတယ်။ ဒီလိုအချက်တွေအပေါ်မှာ မူတည်ပြီး ရွေးချယ်ဖို့ လိုပါမယ်။
ဒီလိုမှမဟုတ်ပဲ ထက်အောက် ရွေးချယ်တဲ့အခါမှာ ကိုယ့်လူကိုသာ ရွေးချယ်မယ်၊ ကိုယ့်စကား နားထောင်သူ ကိုသာ ရွေးချယ်မယ်။ ကိုယ့်လူအတွက် “ခွင်” ဆိုပြီး ရွေးနေမယ်ဆိုရင် တိုးတက်ရေးထက် အလုပ်ဖြစ်ရေးကိုသာ ဦးတည်သွားပါလိမ့်မယ်။ လည်တော့ လည်ပတ်နေတယ်။ ဘာမှတိုးတက်မလာဘူး ဆိုတာမျိုး ဖြစ်နေပါလိမ့်မယ်။ လူတော်မခန့် လူခန့်မတော် ဖြစ်လာပါလိမ့်မယ်။ ကြာလာတဲ့ အခါ သြဇာအာဏာ အလွဲသုံးမှုတွေ ဖြစ်လာနိုင်ပါတယ်။
ဒီလိုပါပဲ အောက်က ရွေးချယ်တဲ့နေရာမှာလည်း ပေါ်ပြူလာဖြစ်မှုအပေါ်မှာ ရွေးချယ်မိမယ်ဆိုရင် မရူနိုင် မကယ်နိုင် ဖြစ်တတ်တာ သဘာဝပါပဲ။ အောက်က လူတွေအနေနဲ့ သူတို့ခေါင်းဆောင်မှာ ရှိရမည့် အရည်အချင်း တွေကို သိထားဖို့လိုပါမယ်။ မသိပဲနဲ့ စည်းရုံးရေးကောင်းတိုင်း ရွေးမိရင် အဆင်မပြေနိုင်ပါဘူး။
ဒီတော့ ခေါင်းဆောင်များရဲ့ အရည်အချင်းတွေကို သူကဏ္ဍအလိုက် သေသေချာချာ သတ်မှတ်ပြဌန်းဖို့ လိုပါမယ်။ Generally မဟုတ်ပဲ Specifically သတ်မှတ် ပြဌန်းဖို့ လိုပါမယ်။ နောက်ပြီး ခေါင်းဆောင်များအနေနဲ့ အရည်အချင်းနဲ့ ပတ်သက်ပြီး အမြဲတမ်း အစမ်းသပ်ခံ နိုင်ရပါမယ်။ ဒါကတော့ ခေါင်းဆောင်ပိုင်းနဲ့ ပတ်သက်တဲ့ ကျွန်တော့် အမြင်ပါ။
ဆက်ပါဦးမယ် ….
