ကျွန်တော် ဘဝင်မကျတာလေး တစ်ခုကို ရေးချင်ပါတယ်။ ကျွန်တော်တို့ အိမ်နောက်ဖေးမှာ အသုဘတစ်ခုရှိပါတယ်။ အဖွားကြီး တစ်ယောက် အသုဘပါ။ အသုဘပဲ၊ ဘာဆန်းလို့လဲဆိုရင် ခုသေသွားတာ ခွေးရူးကိုက်တာပါ။ ဖြစ်ပုံက ဒီလိုဗျ။

လွန်ခဲ့တဲ့ တစ်လခွဲလောက်က ခွေးတစ်ကောင်ကို လူတွေ ဝိုင်းရိုက်ကြတယ်။ အိမ်ရှေ့မှာဆိုတော့ ကျွန်တော်လည်း ထွက်ကြည့်မိတယ်။ ခွေးရူးတဲ့ဗျ။ လူတွေက တစ်ပုံကြီး ဝိုင်းလိုက်ကြပြီး ရိုက်လိုက်ကြတာ သေသွားတယ် ဆိုပါတော့။ ကျွန်တော်လည်း လူတွေ ကိုက်သွားသေး လားဆိုတော့ အိမ်နောက်ဖေးက အဖွားကြီး တစ်ယောက်ကို အိမ်ပေါ်ထိ တက်ကိုက်သွားတာတဲ့ဗျ။ တကယ့်ကို ခွေးက အိမ်ပေါ် တက်ဖို့ဆိုရင် လှေခါး ခြောက်ထစ်လောက် တက်ရတာကို ရအောင် တက်ပြီး ကိုက်သွားတယ်တဲ့။ ကျွန်တော်လည်း ခွေးကိုက်ခံရတဲ့ အဖွားကြီးကို ချက်ချင်း ဆေးထိုးဖို့ ပြောလိုက်သေးတယ်။

အဲဒီလိုနဲ့ မေ့မေ့ပျောက်ပျောက်ပါပဲ။ ဒီနေ့မှာ အိမ်နောက်ဖေးက အသံတွေကြားလို့ မေးကြည့်တော့မှ အသုဘမှန်း သိရတာ။ ဟိုအရင် တစ်ခါ ကျွန်တော်တို့ ပြောတဲ့ ခွေးကိုက်ခံရတဲ့ အမေကြီး ဆုံးသွားတာတဲ့။ ဟိုတစ်နေ့က ရောဂါဆိုးလာလို့ ဆေးသွားထိုးတာ တစ်လုံးပဲ ထိုးရသေးတယ်တဲ့။ သေသွားရောတဲ့ဗျာ ….

ဒီလိုသေသွားတာ ခွေးရူးကိုက်ခံရလို့ ဆိုတာ ထားပါတော့။ ဆေးကို စောစော ဘာလို့ မထိုးတာလဲဗျ။ ကျွန်တော့် အမြင် စောစောစီးစီး ထိုးရင် ဘာမှ ဖြစ်မယ် မထင်ဘူးဗျ။ ဘာဖြစ်လို့ ဒီလောက်ပေါ့ရတာလဲ။ အသိပညာ မရှိလို့လား။ ပိုက်ဆံ မရှိလို့လား။ ဒါနဲ့တောင် သေခါနီးမှ ဘာလို့ ဆေးသွားထိုးသေးလဲ။ အမှန်က ပေါ့ဆတာလို့ ကျွန်တော် ထင်တယ်။ ဒီလောက် တန်ဖိုးကြီးတဲ့ အသက်တစ်ချောင်းကို ဒီလို ပေါ့ပေါ့ဆဆ ထားလိုက်တော့ တန်ဖိုးမဲ့သွားတာပေါ့ဗျာ။

အဲဒါနဲ့ ကျွန်တော်လည်း ကျွန်တော် ဆေးထိုးဖို့ ပြောတုန်းက ဘာလို့ သွားမထိုးတာလဲဆိုတော့။ ကံပါလာတာပဲ ဆရာရယ်တဲ့။ အိမ်ပေါ်ထိတောင် တက်ကိုက်ခံရတာပဲ။ ဝဋ်ကြွေးပါလာတာကိုးဗျ တဲ့ဗျ။