ဒီနေ့ ကျွန်တော် ဘဲကြီး အခွေ ဝယ်ဖြစ်တယ်။ ဘဲကြီးလို့ ခေါ်တာ မလေးစားလို့ မဟုတ်ဘူးနော်။ လေးစားလွန်းလို့ ခေါ်တာ။ BOB ဆိုတဲ့ စာလုံးအကြီး ကြီးနဲ့။ ဘဲကြီးကိုဆို စိတ်ချတယ်လေ။ အခွေဆိုင်ထဲရောက်တာနဲ့ ဘာမှ စဉ်းစားမနေတော့ဘူး။ ဘဲကြီး အခွေကို တန်းဆွဲလိုက်တယ်။ ဘယ်လောက်ပေးရ ပေးရ တန်တယ်လို့။ ၂၀၅၀ တဲ့။ အိုကေဗျာ … အခွေလေးက ပလပ်စတစ် အိတ်ကလေးနဲ့ဗျ။ အထဲမှာ အခွေက ပလစ်စတစ်နဲ့ မဟုတ်ဘူး။ ကတ္ထူ စက္ကူနဲ့ဗျ သီချင်း စာအုပ်လေး တစ်အုပ်ရယ်၊ စတစ်ကာလေး တစ်ခုရယ်တွေ့တယ်။ အခွေကို စီစဉ်ထားတဲ့ ပုံစံကို ကြည့်ကတည်းက ဘဲကြီး ကျွန်တော်တို့ အပေါ်ထားတဲ့ စေတနာကို မြင်ရတယ်ဗျ။ အားလုံး သေသပ်တိကျ၊ အပိုအလိုမရှိ။ စိတ်အေးလက်အေး စတစ်ကာလေးကို ခွာပြီး ကားနောက်ပိုင်း ကပ်လိုက်တယ်။ ဘဲကြီး ငါ့ကို ဘယ်လို ဖမ်းစားဦးမှာလဲ … သိချင် စိတ်တွေ မျိုသိပ်ထားတယ်။ ကားပေါ်မှာ ကက်ဆက်မရှိဘူးလေ။ ဒီတော့ အိမ်ပြန်ရောက်မှ ကမန်းကတန်း ပြေးဆင်း ကွန်ပျူတာထဲ ထည့်လိုက်တယ်။ အရင်ဆုံး ဘဲကြီးရဲ့ ထုံးစံ ဂစ်တာသံပြင်းပြင်းတွေ ထွက်လာတယ်။ နှုတ်ပိတ် … နှုတ်ပိတ် … ကျွန်တော် နှုတ်ပိတ်သွားတာ မဟုတ်ဘူး။ ဆွံ့အသွားတာ။ ဘဲကြီး သီးချင်းကို နားထောင်ပြီး ဆွံ့အသွားတာ။ ဘယ်လို ပြောရမှန်းကို မသိတော့ဘူး။ စကားလုံးတွေ ပျောက်ကုန်တယ်။ ကိုယ့်ခံစားချက်ကလေးနဲ့ ဘာသာပြန်ပြီး နားထောင်ဖြစ်တယ်။ ဆောရီးပါ … ဘဲကြီးရေ … ကျွန်တော် ခံစားချက်နဲ့ ခွင့်မတောင်းပဲ ဘာသာပြန်မိလို့လေ။ ကျွန်တော် ဆက်နားထောင်ရင်း အရည်ပျော်သွားတယ်။ မျောသွားတယ်။ ငါ့ရဲ့လမင်းမှာ စကားလုံးတွေကို ကစားဖြစ်တယ်။ သေသပ်တဲ့ဆိုဟန်၊ အပိုမပါဘူး။ စကားလုံးတစ်လုံးတောင် အပိုမပါဘူး။ ဘဲကြီးက ဆိုတာ နပ်တာလား။ ရေးတဲ့သူတော်တာလား။ အင်း ခက်တော့ ခက်တယ်ဗျာ … ကျွန်တော်က နောက်ပြန်မလှည့်တတ်ဘူး။ ဒီတော့ မလွမ်းတတ်ဘူး။ ခံစားလို့ မရလိုက်ပေမယ့် သံစဉ်ရော စာသားပါ ကြိုက်တယ်ဗျာ။ အရိုးဆုံးပြောတာ ဘဲကြီး ကျွန်တော်တို့ကို ဘယ်တော့မှ မလိမ်ဘူး။ အမြဲတမ်း အပြည့်ပဲ။ အင်း ဘဲကြီး အကြောင်းကို ကျွန်တော် စာအုပ်တစ်အုပ်မှာ ဖတ်ဖူးတယ်ဗျ။ မန္တလေး က ခင်ဗျားရဲ့ ကောက်ကြောင်း တွေကိုလေ။ ခင်ဗျားကို လေးဖြူ … လေးဖြူ … လေးဖြူ … လေးဖြူ … လို့အော်ကြတာ ဘာကြောင့်လဲဆို မန္တလေးညတွေရဲ့ အဆောင်တွေက ကောင်းကောင်း ပြောပြ နိုင်ကြမယ်ထင်တယ်ဗျ။ ကျွန်တော်ဗျာ အရင်လိုပါပဲ ဆိုတဲ့ သီချင်းလေးကို အကြိုက်ဆုံးပဲဗျ။ ကျွန်တော့် ဘလော့မှာ စာသားလေး ကူးခွင့်ပြုပါနော်ဗျာ။ ခင်ဗျား ကျွန်တော့်ကို လက်မှတ်ထိုးပေးထားတာ ကျွန်တော့် စာအုပ်မှာ ရှိသေးတယ်ဗျ။ ဘဲကြီး အသက်ရာကျော် ရှည်ပါစေဗျာ … ဘဲကြီး ကျွန်တော်တို့ကို ဘယ်တော့မှ မညာရဘူးနော် …

» More: ဂန္ဒဝင် လေးဖြူ