အင်တာနက်ရဲ့ နောက်လာမယ့် အခန်းကဏ္ဍက အင်္ဂလိပ်စာ တစ်ခုတည်းနဲ့ မပြည့်စုံ မလုံလောက် နိုင်တော့ပါဘူး။ အာရှတိုက်က အင်တာနက်သုံးစွဲသူ အရေအတွက်က မြောက်အမေရိကက အင်တာနက်သုံးစွဲသူ အရေအတွက်ထက် နှစ်ဆပိုများပါတယ်။ ၂၀၁၂ ခုနှစ်မှာ သုံးဆ ဖြစ်လာပါလိမ့်မယ်။ ဂူးဂဲမှာ ရှာဖွေတဲ့ စာကြောင်း (search queries) တွေရဲ့ တစ်ဝက်ထက်ပိုတဲ့ ပမာဏက ယူအက်(စ်) ပြင်ပက ဖြစ်နေခဲ့တာ ကြာပါပြီ။
အင်တာနက် ဂလိုဘယ်လိုက်ဇေးရှင်း ဖြစ်စဉ်က ရမ်ပါကပ်(ရှ်)လို စွန့်ဦးသမားတွေ အတွက်တော့ မဟာအခွင့်အရေးပါပဲ။ ရမ်က အိန္ဒိယရဲ့ ဆီလီကွန်ဘယ်လီလို့ ဆိုနိုင်တဲ့ ဘန်ဂလော ပြင်ပမှာနေတဲ့ အင်ဂျင်နီယာ တစ်ယောက်ပါ။ ရမ်က အင်္ဂလိပ်စာကို ဆယ်ကျော်သက် အရွယ်ကတည်းက သင်ခဲ့တာပေါ့။ ဒါပေမယ့် ရမ်က သူ့ မိတ်ဆွေတွေ မိသားစုတွေနဲ့ ပြောဆို ဆက်ဆံတဲ့အခါမှာ မိခင်ဘာသာစကား ဖြစ်တဲ့ ကန်နာဒါ (Kannada) နဲ့ ပြောရတာ ပို ခံတွင်းတွေ့ ပါတယ်တဲ့။ ကန်နာဒါ ကို အင်တာနက်မှာ သုံးဖို့ဆိုပြန်တော့ ကီးဘုတ်မြေပုံ(Keyboard Maps) တွေလိုလာ ပြန်တယ်။ အဲဒီလို ကီးဘုတ်မြေပုံတွေ လေ့လာဖို့ကျတော့ ရမ်အတွက် ခက်ခဲတဲ့ စိန်ခေါ်မှုတွေ ပြည့်နှက် နေပါတယ်။
၂၀၀၆ ခုနှစ်မှာ ရမ်က Quillpad ဆိုတဲ့ တောင်အာရှဘာသာစကား ဆယ်မျိုးနဲ့ ရိုက်နိုက်တဲ့ အွန်လိုင်း ဝန်ဆောင်မှု(Online Service) တစ်ခု တည်ထောင် နိုင်ခဲ့တယ်။ အသုံးပြုသူတွေက ရောမ စကားလုံးတွေနဲ့ ကိုယ့်မိခင်ဘာသာ စကားအသံထွက်ကို ရိုက်ပေးဖို့ လိုပါတယ်။ Quillpad က အသုံးပြုသူ ပြောင်းလဲလိုတဲ့ ဘာသာစကားကို ပြောင်းလဲ ပေးပါတယ်။ ဘလော့ဂါတွေ စာရေးဆရာတွေက ရမ်ရဲ့ ဝန်ဆောင်မှုကို ညွှန်းဆိုရေးသား လာကြပါတယ်။ အဲဒီလို လူပြောသူပြော များလာတာကနေ နိုကီယာ(Nokia) လို ဆဲလ်ဖုန်းထုတ်လုပ်တဲ့ ကုမ္ပဏီတွေ Google လို Search Engine တွေက ရမ်ရဲ့ ဝန်ဆောင်မှုကို မျက်စိကျလာပါတယ်။
အနောက်တိုင်း နည်းပညာကုမ္ပဏီတွေက အိန္ဒိယရဲ့ ဒေသအလိုက် သုံးတဲ့ဘာသာ စကားတွေကို နားလည်မှု လွဲနေတယ်လို့ ရမ်ကပြောပါတယ်။ အိန္ဒိယနိုင်ငံရဲ့ လူဦးရေ ဆယ်ပုံ တစ်ပုံကပဲ အင်္ဂလိပ်စကားကို ကောင်းကောင်းမွန်မွန် သွက်သွက်လက်လက် ပြောနိုင်ကြသလို ကောလိပ် ကျောင်းတော်သား တော်တော်များများကလဲ နေ့စဉ်ပြောဆို ဆက်ဆံတဲ့ နေရာတွေမှာလည်း ကိုယ့်ဘာသာစကား ကိုသုံးမှ အာတွေ့ လျာတွေ့ ဖြစ်ပါတယ်တဲ့။
“သူတို့ကို ရင်ထဲက ခံစားချက် အမှန်တွေအတိုင်း ဖော်ပြပြောဆိုခွင့် ပေးရမယ်။ သူတို့ကို ဟိုဟာ ဒီဟာတွေနဲ့ ရူးအောင်သွားမလုပ်နဲ့၊ အင်္ဂလိပ်လိုပဲ ပြောရမယ်ဆိုပြီး အတင်း မလုပ်ပါနဲ့ဗျာ” လို့ ရမ်က ပြောပါတယ်။
အင်္ဂလိပ်စာကို အခြေခံမထားတဲ့ အင်္ဂလိပ်စာမဟုတ်တဲ့ ဝက်စာမျက်နှာ(Content) တွေနဲ့ Application တွေမှာ လိုအပ်ချက်တွေ အများကြီးရှိနေပါသေးတယ်။ ဒါကြောင့် ဧရာမ အမေရိကန် နည်းပညာကုမ္ပဏီကြီးတွေက အင်္ဂလိပ်စာမဟုတ်တဲ့ နိုင်ငံခြားဘာသာ စကားတွေ အသုံးပြုပြီး တည်ဆောက်ထားသော အင်တာနက်စာမျက်နှာ တည်ဆောက်ရေး လုပ်ငန်းတွေမှာ နှစ်စဉ် ငွေတွေ ပုံအောနေကြတာ ကြာပါပြီ။ Quillpad လို ပြည်တွင်း ကုမ္ပဏီတွေက သူတို့ကို အလဲမထိုးခင် အမြတ်ဝေစုတွေ ခွဲမယူခင်က ဆိုပါတော့။
“အင်္ဂလိပ်လိုသာ ဝက်(ဘ်)ဆိုက်တွေကို တင်လိုက် တကမ္ဘာလုံးက လူတွေက ဖတ်ကြလိမ့်မယ် ဆိုတဲ့နေ့တွေက ဒိတ်အောက်သွားပါပြီ” ဂျူပီတာသုတေသနမှ Senior Analyst ဖြစ်သူ ဇီယာ ဒယ်နီရယ် ဝက်ဂါက နယူးယောက်အခြေဆိုက် အွန်လိုင်း သုတေသန ကုမ္ပဏီတစ်ခုရဲ့ အချက်အလက်တွေကို အခြေခံပြီးပြောပါတယ်။
၂၀၁၂ ခုနှစ်မှာ တရုတ်နဲ့ အမေရိကန် နောက် သုံးခုမြောက် အင်တာနက် အသုံးပြုသူ အများဆုံးဖြစ်ဖို့ ဟန်ပြင်နေတဲ့ အိန္ဒိယလိုနိုင်ငံမှာ နေရာတကာမှာ အဆီးအတား မရှိတဲ့ အခွင့်အရေးတွေ ရှိနေတယ်ဆိုတာ ပိုပြီး ထင်ရှားနေပါတယ်လို့ ဂျူပီတာက ဆိုပါတယ်။ အိန္ဒိယသားတွေက သူတို့ ဘော့စ်ကို ဘာသာစကားတစ်မျိုး ပြောမယ်။ သူတို့ အိမ်ထောင်ဖက်တွေကို တစ်မျိုးပြောမယ်။ သူတို့ မိဘတွေကိုတော့ နောက်တစ်မျိုးနဲ့ ပြောနေ နိုင်ပါတယ်။ အဲဒီလို ပြောချင်ရာ ပြောနေတဲ့ အနေအထားမှာ စကားလုံးတွေ ကလည်း စုံစီနဖာ စကားသံတွေ စုထားတဲ့ အိတ်ကြီးထဲက ထွက်လာသလို ဖြစ်နေမှာပဲ။ (ကုလားတိုက် ကျားဝင်ကိုက်ဆိုသလို နေမှာပေါ့။)
ပြီးခဲ့တဲ့ နှစ်နှစ်အတွင်မှာ ရဟူး နဲ့ ဂူးဂယ်က အိန္ဒိယနိုင်ငံက အင်တာနက် အသုံးပြုသူ တွေကို သူတို့ မိခင်ဘာသာ စကားတွေနဲ့ ရှာနိုင်၊ ဘလော့ရေးနိုင် သင်ယူနိုင်အောင် တစ်ဒါဇင်လောက်ရှိတဲ့ ဝန်ဆောင်မှုတွေ မိတ်ဆက်ပေးခဲ့ ကြတယ်။ မိုက်ကရိုဆော့(Microsoft) ကလည်း သူ့ရဲ့ ဝင်းဒိုးလိုက်(ဖ်)(Windows Live) အွန်လိုင်း ဝန်ဆောင်မှုမှာ အိန္ဒိယ ဘာသာစကား ခုနှစ်ခုကို အထောက်အပံ့ ပေးဖို့ တည်ဆောက် ပေးခဲ့ပါတယ်။ Facebook ကလည်း ရာပေါင်းများစွာသော ဗော်လံတီယာတွေ ရွေးချယ်ပြီး သူရဲ့ လူမှုကွန်ယက်စနစ် (Social Network) ကို ဟိန္ဒူ (Hindi) နဲ့ အခြား ဒေသသုံးဘာသာ စကားတွေကို ဘာသာပြန် စေပါတယ်။ အခမဲ့ အွန်လိုင်း စွယ်စုံကျမ်း ဖြစ်တဲ့ ဝီကီပိဒိယ(Wikipedia)မှာ ဆိုရင်လဲ ကိုရီးယားထက် မိခင်ဘာသာစကားသုံး ထည့်သွင်း ရေးသားမှုမှာ ပိုပြီး များလာနေပါပြီ။
ဂူးဂယ်ရဲ့ ရှာဖွေရေး ဝန်ဆောင်မှုက တရုပ်နိုင်ငံရဲ့ ပြည်တွင်း ယှဉ်ပြိုင်မှုမှာ နောက်ကောက် ကျသွားတာက အိန္ဒိယမှာ ပြည်တွင်းအသားပေး ဝန်ဆောင်မှုတွေကို ဦးစားပေး အစီအစဉ်ထဲ မရောက်ရောက်အောင် တွန်းပိုိ့ခဲ့တယ်။ ဂူးဂယ်ရဲ့ အိန္ဒိယမှာ ဓားမဦးချ အကောင်အထည် ဖော်တဲ့ လုပ်ငန်းတွေက နိုင်ငံရဲ့ သမိုင်းနဲ့ချီပြီး တိုးတက်မှု နှေးကွေးနေတဲ့ တစ်ကိုယ်ရည်သုံး ကွန်ပျူတာ ဈေးကွက်ကို ဖွင့်ဖိုက ပထမ။ ဂူးဂယ် ရဲ့ တစ်ကမ္ဘာလုံးဖြန့်ကျက်ထားတဲ့ ဈေးကွက်တစ်ခု ပေါ်ထွက်လာဖို့ တည်ဆောက်နေတဲ့ ဝန်ဆောင်မှု တွေမှာ အသုံးချနိုင်ဖို့ ကျွမ်းကျင်ပညာရှင်တွေ မွေးထုတ် လေ့ကျင့်ပေးဖို့က ဒုတိယပါ။
“အိန္ဒိယဆိုတာ ဘယ်စနစ်ကြီးတွေနဲ့မဆို အလွယ်တကူ ချိတ်ဆက်နိုင်တဲ့ အစွမ်းရှိတဲ့ နေရာပဲ” လို့ အိန္ဒိယဂူးဂယ် ရဲ့ သုတေသနနဲ့ ဖွံ့ဖြိုးမှုဆိုင်ရာ အကြီးအကဲ ဒေါက်တာ ပရာဆပ်ရမ်က ဆိုပါတယ်။ ဒါပေမယ့် အိန္ဒိယနိုင်ငံမှာ ဘာသာစကား (၂၂)မျိုး လောက်အသုံးပြုနေ ပါတယ်။ အဲဒီလို အသုံးပြု နေတဲ့အတွက် ကိုယ့်မှာ လွှမ်းမိုးထားတဲ့ ဘာသာစကား တစ်ခုတည်းအပေါ် အခြေခံပြီး တူညီတဲ့ နည်းလမ်းတစ်ခုတည်းနဲ့ ဘာသာစကား (၂၂)မျိုးကို ချဉ်းကပ်မယ်ဆိုရင် မဖြစ်နိုင်ပါဘူး။ အဲဒီလို ရှုပ်ထွေး ပွေလီနေတဲ့ အဆင့်သစ်ကို (၂၂)မျိုး၊ (၂၂)နည်းနဲ့ ချဉ်းကပ်မှ ရနိုင်ပါလိမ့်မယ်။
ကမ္ဘာနဲ့ချီပြီးလုပ်နေတဲ့ စီးပွားရေးလုပ်ငန်းတွေက နှစ်စဉ် သန်းရာချီနေတဲ့ ဒေါ်လာတွေကို သူတို့ အစီအစဉ်ချထားတဲ့ ဘာသာစကားတွေကို ဘာသာပြန်ဖို့အတွက် သုံးနေကြတယ်လို့ မင်ဆာချူးဆက်အခြေဆိုက် Common Sense Advisory က သုတေသန ဦးစီးမှူးဖြစ်သူ ဒယ်ပါမာက ပြောပါတယ်။
အဲဒီလို အစီအစဉ်တွေထဲမှာ အိန္ဒိယဆိုတာ ရုရှ၊ ဘရာဇီးနဲ့ တောင်ကိုးရီယားတို့နဲ့ ယှဉ်ရင် အဆင့် သတ်မှတ်ချက် နိမ့်ပါတယ်လို့ ဒယ်ပါမာက ဆက်ပြောပါတယ်။ (အိန္ဒိယက အွန်လိုင်း ကူးသန်းရောင်းဝယ်ရေး(e-commerce) နဲ့ အွန်လိုင်း ကြော်ငြာ ဈေးကွက်တွေမှာ အခြားနိုင်ငံတွေနဲ့ ယှဉ်လိုက်ရင် ဖွံ့ဖြိုးမှု မရှိသေးပါဘူး)
ဆက်လက်ဖော်ပြပါမည် ….
